મારા સાયબર વિશ્વમાં આપનું હાર્દિક સ્વાગત છે.........

પ્રિય મિત્રો,
આપ સૌ મારા બ્લોગ પર અવારનવાર પધારો છો તે મારા માટે ખૂબ જ આનંદની વાત છે. પણ ઘણા મિત્રો તેમના અભિપ્રાય આપ્યા વગર જ જતા રહે છે, જે મને થોડું અધુરૂં લાગે છે. આપ સૌના અભિપ્રાય મારા માટે ઘણાં જ અગત્યના છે અને તે મને કંઈક વધુ સારું કરવાની પ્રેરણા અને ઉત્સાહ આપતા રહે છે. તો મિત્રો આપ જ્યારે-જ્યારે મારા બ્લોગની મુલાકાત લો ત્યારે આપના અમૂલ્ય અભિપ્રાય આપતા રહો તેવી અપેક્ષા.

સૌ મિત્રોને નમ્ર વિનંતિ કે અહીં મુકેલી રચનાઓ માત્ર સાંભળવા માટે જ છે, આથી મહેરબાની કરી ડાઉનલોડ માટે પૂછવું નહીં. આભાર.
મારા સંગ્રહમાંથી કેટલાંક આલ્બમના મુખપૃષ્ઠો:



બુધવાર, 3 જૂન, 2009

તું જો આજે મારી સાથે જાગશે

સ્વર : મનહર ઉધાસ
આલ્બમ : આલાપ
શબ્દ : અદી મિરઝા

તું જો આજે મારી સાથે જાગશે
ચાંદ ક્યાંથી ચાંદ જેવો લાગશે
તું જો આજે મારી સાથે....

તું અમારો છે તો, ધરતીના ખુદા!
તું અમારા જેવો ક્યારે લાગશે?
તું જો આજે મારી સાથે....

કોણ તારી વાત સાંભળશે, હૃદય!
એક પથ્થર કોને કોને વાગશે!
તું જો આજે મારી સાથે....

હું રડું છું એ જ કારણથી હવે,
હું હસું તો એને કેવું લાગશે!
તું જો આજે મારી સાથે....

જિંદગી શું એટલી નિર્દય હશે?
એ મને શું એક પળમાં ત્યાગશે?
તું જો આજે મારી સાથે....

એણે માગી છે દુવા તારી, ‘અદી’
તું ખુદા પાસે હવે શું માગશે?
તું જો આજે મારી સાથે....

ટિપ્પણીઓ નથી:

ટિપ્પણી પોસ્ટ કરો